تروى الام انه ليله امتحان العربى للثانوية العامة قرر أبنى انه مش هيدخل
الامتحان ومن الساعه 6 مساءا وحتى الساعه الثانيه بعد منتصف الليل وهو ثابت
على قراره ولا يريد تغيير الفكرة وكان البيت كله فى حاله انهيار تركناه
لينام و كنت تأكدت تماما من عدم دخوله وكان قد قام بمحاولته فى مراجعه
أجزاء فى النصوص والقراءة أما بالنسبة للقصة والأدب فلم يكن نظر لهم اساسا
وهما من الأجزاء الصعبه فى مادة اللغة العربية فالأدب كثير الحفظ والقصة
مترابطة الأحداث وكان هذا سبب أساسى لإتخاذه قراره بأنه لن يدخل هذه السنة.
وبعد ما دخلت الغرفه وانا على يقين بأن تعب السنة كلها هيروح مسكت الموبايل
وقريت بوست عن القديس بيشوى على الجروب هنا وبسرعه وكلى ايمان طلبت منه
وقلت له لو الولد غير قراره وقال هدخل الامتحان أرجوك يا قديس بيشوى وقع
عينه ع الحاجات اللى ممكن تيجى وبالفعل قمت ودخلت له الاوضه ولقيته غريب
جدا لسه بقوله اى كلام وهفتح بقى لقيته هو اللى سبق وقالى انا عايز ادخل
ممكن تساعديني ابص على اى حاجه انا مصدقتش وبالفعل اخدنا كام حاجه بسرعه فى
الأدب وسمع من ع النت 3 فصول قصه شفاهي والساعه جات 4 صباحا وقالى كفايه
كده انا مش قادر ونام وصحى 6 لأن مدرسته بعيده وقد كان لقى فى الامتحان نفس
الأجزاء اللى ذاكرها بليل.
مواضيع ذات صلة
ليست هناك تعليقات:
إرسال تعليق